صوفیاء

Jo log insaano ke nahi hote woh Allah ke bhi nahi hote.

Dil Allah ka ghar hai ise saaf kar lo,
Allah tumhara kafan maila nahi hone dega. ❤🤲

Apni qadar logon se manwane ke liye nahi Allah ke liye khud ko sanwaro.
Phir dekhna jo tumhari zindagi mein aane ke qabil hoga woh tum tak pohanchne ke liye
sabr, ikhlaas aur mehnat teeno lekar aayega.

Aur phir...
Phir kya?
Allah paak tumhein qadardano ke hawale kar ke poochay ga...
فَبِأَيِّ آلَاءِ رَبِّكُمَا تُكَذِّبَانِ 🤲🙂🥰❤

Jab aap Allah ke qareeb hona shuru ho jaate hain to yeh duniya aap se door hona shuru ho jaati hai.
Kyun ke yeh duniya ek aisi daldal hai jismein insaan jitna zyada utarta hai utna hi Allah se door hota jaata hai.

Aur jab insaan Allah ko apna sahara bana leta hai,
to duniya ki chamak, logon ki tawajjo aur khwahishaat ki kashish apni haqeeqat kho deti hai.
Phir insaan duniya ko chhorta nahi bas duniya uske dil se nikal jaati hai.
Aur jis dil mein Allah bas jaaye use duniya ki kami mehsoos nahi hoti.
Asal sukoon duniya se doori mein nahi,
Allah ke qareeb hone mein hai.🤲

Mard ka mard hona aur aurat ka aurat hona bht kam insaano ko naseeb hota ha.

Ishq ka qibla aik hi hota hai.
Chahe us raaste mein kitne hi pathar kyun na aane lagen,
ishq apni manzil ki taraf dekhna nahi chhorta…
jab tak Allah khud uski simt na badal de.

Aur jab aapki direction badalne lage,
to samajh jaiye ke yeh kisi insaan ne nahi badli…
yeh Allah ne badli hai.

Aise waqt mein insaan ko apni badalti hui simt par Allah ka shukar ada karna chahiye,
aur ek nazar peechay mur kar zaroor dekhna chahiye.
Kya pata, koi aisa shakhs ab bhi aap ke liye
gulaab ka phool liye khara ho, aapki ek awaaz ka muntazir ho, aur aap ke laut aane ki umeed mein
apni mohabbat ko aaj bhi zinda rakhe hue ho. 🌹

Manzil tak pohanchne ke liye agar koi shakhs ek hi raste par do baar chal chuka ho, magar baarish ki wajah se rasta band ho jaye aur kuch dikhai na de, to manzil par rehne wale shakhs ko chahiye ke woh chhatri lekar raste mein aa jaye, taake musafir manzil tak pohanch sake.
Kabhi kabhi manzil tak pohanchne ke liye sirf rasta kaafi nahi hota, balki manzil par maujood kisi apne ka haath thaamna bhi zaroori hota hai. 🙂🌹❤

Allah ne hamesha mujhe ishq ke samandar ki gehraiyon mein mehfooz rakha, jahan meri aur Uski tanhai ke siwa koi na tha.

Kabhi kinare tak aaya tha, sirf apni jaisi ek rooh ko pukarne...
Magar meri awaaz itni buland na thi ke koi sun pata.

Phir Allah ne mujhe dobara usi ishq ke samandar ke darmiyan la khara kiya hai.
Shayad is umeed mein ke kahin se koi awaaz meri awaaz ka jawab de de.
Aur agar phir bhi khamoshi hi meri taqdeer rahi.
Toh ek din main dobara usi samandar ki gehraiyon mein utar jaunga Jahan na koi mujhe dhoondh sakega na dekh sakega.
Sirf Allah hoga, aur uski rehmat aur mein🙂🤲

Jb ap duaon men Allah se Allah ko mangna shuru kro gae tu wo tmhen etna tore ga k tmhari rooh kanp jae gi lkn wo tmhen girne nhi dega. Bas uski rassi mazbooti se thame rakho.
Phr wo apko ap k ander nzr aane lage ga.