الصحة النفسية
4,380,447 من الأعضاء
هل تحتاج إلى مساحة آمنة لمناقشة صحتك النفسية؟ من فضلك تذكر دائمًا أن تطلب المساعدة عندما تسوء الأمور 💛 لا تعاني وحدك أبدًا 🤝
صديقي العزيز، أما بعد، تكافؤ العاطفة و ذكاء التعامل، تكافؤ مقدار اللينّ و تصليح الأخطاء، تكافؤ ثبات العقل و لهفة القلب، تكافؤ حجم القُرب و حبل الوَد، تكافؤ التمسُك و الإسراف في الوجود وقت الإحتياج، تكافؤ حنية الكلمة و الفهم و العُذر، التكافؤ النفسي نفسه، كل دول أهم مليون مرة من مظهر ما هيجي وقت و يتغير، أهم من جسد ما تيجي وقت و يتعب، أهم من مال الأرض لو اجتمع كله و مفيش ولا حاجة من ده، هتمشي الطريق كله ظناً منك إنك الجاذبية جاذبية الجسد و إنه القوامة قوامة المال و إنه المجهود هو قايمة غالية و إنه إنك تفحت في الصخر هو إنك تجيب إلي متقدرش عليه، هتمشي الطريق كله ظناً منك إنه كل ده هو محاولة إثبات إنه الشخص عايزك أو إنه الشخص ده عاجبك، و هتتصدم في آخر الطريق لما تعرف إنه إن إنجذبت للشكل ف فيه أجمل بكتير و هيجذبك لما يبصلك، و إنه القوامة مش ب المال و المال عمره ما إشتري طاعة ست إلا إذا كانت سلعة ولا رجولة إلا لو كانت مصلحة مُزيفة، هتتصدم لما تعرف إنه ياما ناس إتَقلتَ بمهر ملايين و طلعوا أرخص من التراب و ياما ناس رضيت بأقل القليل و طلعوا أغلي من المَاس، هتمشي الطريق سواء كنت راجل أو ست و هتعرف في النهاية إنه الأساس هو مين الي يَجالسك للعُمر و يروي عطشك للوَنس، مين إلي كلمة منه تنهي الغضب ولو في قمته ولا تلاقي مُعايرة بلحظة ضعف ولا إتعمل عشانك ولا إتمَن عليك بفَضل، هتعرف إنه مفيش فرق بين بنت أمير ولا بنت غفير ولا إبن لواء ولا إبن ساعي إلا فرق التعامل، هتعرف إنه المظاهر مهما غَرتك خداعة و إنه المجتمع مش هو الي هيتقفل عليه بابك ولا هينام في سريرك ولا هيضُمه حُضنك، هتعرف وقتها إنه أحياناً عوض العُمر هو إنسان يشتريك و يكفيك و يهون عليك و يونسك و يطبطب و يقاسمك لُقمتك سواء كانت دُقة أو كافيار، هيكون راضي بيك أنت و بيحمد ربنا إنه رزقه بيك أنت، هتعرف اخر الطريق إنه الرزق مش بس فلوس ولا النسب شكل و إسم ولا المظهر وظيفة مرموقة، بل الرزق الحقيقي هو حد باقي عليك العمر كله و كَافيك و مَكيفك و مُكتفي بيك، و السلام
اللهم أرنا عجائب قدرتك في قضاء حوائجنا وارزقنا من حيث لا نحتسب🤲🏻♥
