المسلمون في النرويج

Salam alaikum

Salam Alaikum Everyone

Guys, please help me understand something 😂 I promise I'm genuinely trying to understand!
يا رجال ساعدوني من فضلكم على فهم شيء 😂 أعدكم أنني أحاول حقا أن أفهم!
●معروفة على المراة هي منبع الحنان هي لي كاتهزه ولادها بسنانها اما الاب غالبا كايخليهم تصور مطلق مع المراة كايطلق حتى من ولدو ولادو كايمشي اعيش حياتو بلا هم بلا مسؤولية و المراة هي لي كاتعاني بوحدها فين غاتسكن واش ترجع لدارهم وتسمع خل ودنيها ولا غايجري عليها باها وخوتها واش تخرج تخدم وتكرفص واش تمشي تكري وتهز مسؤولية ولادها بوحدها بحال الا هي الوحيدة لي ولداتهم اودي الله يسمح ليكم الا حرارة العيشة مع المراة ولادك شنو ذنبهم علاش كاتطلق منهم حتى هما علاش كاتمشي تتزوج وتعاود حياتك وتولد وتخلي ولادك لولين بلا اب بلا معين بلا والو علاش كاتمشي تتزوج بعد وفاة زوجتك وكاتجيب امرأة اخرى كاتعدى ليك على ولادك حيث ماشي ولادها باش تحن فيهم ومكاتحاولش توقفها عند حدها وطبعا هي ماشي مجبورة تربيهم ليك و كاتوقف فوجههم وتلوحهم للزنقة حشومة هادشي لي كاديرو علاش كاتلقى بنت سطاتها الحياة و تلاحت للزنقة كاتجي وكاتقضي فيها الغراض و تخليها حاملة ماحيلتها لمرضها ماحيلتها للحمل و الوحم و الولادة علاش كاتنكر ولدك علاش كاتخلي البنت المراهقة تتيق فيك وتطمعها بإسم الحب و الزواج وفاش كاتيق فيك كاتجامعها وتخليها تخرج على شرفها حيث كاتقلب على الحنان و الحب لي مالقاتوش فباها جات عندك تعديتي عليها ...... وزيد وزيد المراة مظلمومة بزااف الاثنى بضفة عامة شنو ما كانت زوجة ولا طفلة ولا بنت ولا اخت ولا ام .. فهي تعاني مع الذكر الرجل الشاب ... مقهورة ابعض الرجال عفوا الذكور لستم رجال بهذه الافعال.
●دابا خصنا نحطو اللومة غير على البنت لي تعرات ولا خاصنا نقولو للرجل ديها فمستقبلك فقرايتك و تطورك و فدينك... و بعد على هاد النوع خليه احس براسو معندو قيمة ماشي نديروها ليه راه نتوما سبب كثرة الشيخات و العاهرات لي ولاو فالزناقي ماربيتو بناتكم ماحافظتو على خواتاتكم ماعطيتو تيساع للخماج باش ارجع للطريق و يحبس علينا هاد الفساد لي ولا راه حتى نتوما خاص مايتزوج بيكم حتى واحد حيث فاسدين زعما كاتردو اللومة غير للبنات علاه نتوما ماعليكمش اللومة ملي تبعتو هاد النوع و كاتصرفو عليه وتكريو ليهم .... هاد الطريق مسلكة حيث نتوما السبب نتوما خليتو الاموال فيها تترعر و هما غير قحبات مادخلهمش حتى فالشتاء و بقاو تنبحو عاوتاني هادي هي الحقيقة فالدين ممنوع على البنت توصل لهاد المواصل خاص تكون مربية و على الولد اكون ملتزم بالدين ديالو و يربي بناتو و يحافظ على الاسرة ديالو و على خواتاتو نتوما لا تبعو العاهرات وعطيوهم الاموال الطائلة حتى يولي هاد الطريق مسلك كلشي و يمشيو ليه كاع لبنات بسبب انكم مكاتراقبوهمش وباش اخرجو من الفقر والبطالة و فالاخير نبحو و قولو نتوما مصالحاتش راه نتوما لي فسدتهم. نتوما كاتقولو للرجل عندك حصانة تمشي مع اي بنت و فالاخير ترجع ليها اللومة هي الفاسدة و نتا الصالح المجتمع عاطيكم مبررات و اعذار بزااف للخيانة للزنة.... كلشي رجعوه للمراة هي السبب فكلشي نتوما ملائكة علاش اصلا يمشي معاها فشي تفتح اش بينو و بينها حنا عندنا دين الإسلام خاصنا نتبعوه نساء و رجال علاش ماتجمعوش راسكم لي رخيصة خليها رخيصة الا البنت حلات هاد الباب نتا سدو فوجهها ماشي تتبعها فهواها و تخسرو بجوج دينكم و مستقبلكم نتا خاصك تطلب الغالي و تبع الطريق المستقيمة لي غاتخرجك رابح فالدنيا و فالآخرة وطبعا حتى هي الله يهدي الجميع.
●بخصوص التحرش انا بعدا مكانحترمش كنت هكا لقيت راسي امام مجتمع منافق كذاب فيه اي حاجة سلبية وكايحللو للرجل كلشي داكشي علاش الاحترام عندي معاه بشرط للناس المحترمين فقط لي ممحترمش راسو وممحترمنيش كانجمعها معاه كنت درويشة مكانهضرش كايجي المكلخ المسلم ابقى يوقف فيا فالطريق و يبسبس حدا راسي ويلوح ليك النمرة ويفرض عليك تعطيها ليه بحال الا انا جارية عندو ولا كانتباع ونتشرا فسوق النخاسة... ونقول مانجاوبوش ومانعطيهش وقت ونمشي وهو كايبقى تابعني بحال شي كلب عاد مكايزيد فيه ولد الخشبة دابا لا كانرجع كانجمعها معاه ولي بغات تجي مرحبا بها العكاشة نمشيو ليه فيا 1.50 ولكن حارة مكانسكتش على حقي وحقوقي وعارفة واجباتي وهادشي خالق ليا مشاكل بزااف فهاد المجتمع الميؤوس منه مشاكل مع بنادم فمختلف الاصناف الصغار الكبار الشراف المسطين الجاهلين... مابقيتش كانخاف من نظرة المجتمع الحقير فين الا دوات المراة على حقها و دافعات على راسها كايقولو عليها مشاركة معاه شي حاجة عنداك تهضري راه غايردو ليك اللومة وكاينعتوها ببنت مصالحاش ماشي بنت الناس هادي غير ق هي السبب باش تحرش بها وغتصبها دارت شي حاجة ... داكشي مكايهمنيش نظرتهم ازيدوها فراسهم مكايهمونيش نهائيا انا نزيدهم الا مقداتهمش هضرتهم حيث المتحرش مجاش و ولا مغتصب غير هكا راه داز من التحرش مكاين لي دوا معاه ولقاء الاستمتاع فهادشي حتى ولا كايغتصب علنا و عادي بلا خوف بلا والو كايجر البنت من شعرهم ويديها ويخطفها هو وصحابو ويمارسو بكل حرية ومن بعد كايولي بيدوفيلي مكايبقاوش عاجبينو البنات كايولي باغي الأطفل ذكورا واناث هادشي كامل علاش؟ حيث المراة قالو ليها سكتي وماتهضريش وهانية وكايقدسو الرجل ومكايعاقبوهش وماعليهش قانون واخا الاسلام فرض عليه احترم المراة و يقدرسها وبلي هي لي مقدسة فالاسلام راه خلقك باش تخدمها هي كاتبقى اميرة الا بغات غاتعاونك تصبن وتطيب... ولكن ماشي مجبورة على هادشي نهائيا وماشي بزز منها تقابل ليك واليديك هادوك مسؤوليتك نتا لي معني برضاهم ومأمور به هي غير مساعدة منها وكرم منها كاتقدم ليك هاد الخدمات اما هي فالاسلام مامأموراش بهادشي كاع انت خلقت لتشقى على انثاك ربي لي جعلها معززة مكرمة ولكن نتوما الرجل رجعتوه مقدس وسمحتو ليه بشي حوايج هما حرام لي دارها هانية هو كايبقى رجل بغيتكم يالرجل غير تعيشو درونا سنة ولا شهر ولا غير يوم اجيكم فيه الدم وتعيشو تقلبات مزاجنا وتحملو وتولدو وتمشي للخدمة وتدويها فقرايتكم بحالنا ... وملي تخرجة تشمو الهواء ولا تبغيو تستمتعو بالطبيعة ديال الله ارض الله تمشيو تريحو راسكم اجي شي مكلخ اتحرش بيكم ويبغيو اغتصبكم خاصكم تدير بحالنا مطلوب منكم تحترموه وتسكتو حيث هو كايبقى رجل اديري لي يدير هانية وتجربو هادشي كامل لي علينا عادي جداا وتردو علينا الخبار كي بقيتو باش حسيتو.. للأمانة هادشي بغاه يوقع للكاع لبنات اي انثى قابلو ليها الا بنتو وختو وماماه ومراتو وعمتو وخالتو وبنات خالاتو وبنات عماتو واخا مايلبسوش هما حوايج محترمين قاليك ماتقربش ليهم خاصك تحترمهم معندكش الحق تحاديهم ولكن بنات اخرين عادي تحرشو بيهم وغتصابهم واخا تلبس الحديد سير تبعها الشرط لي عندو هو بنات كايخصوه عنداك تقرب ليهم واخا مايلبوس مفروض عليك تحترمهم ولكن بنات اخرين عادي البسو ولا مايلبسوش تحرش بهم وغتصب ودير لي بغيتي نتا كاتبقى رجل وتناااااقض بزاااف عندكم فهاد المجتمع المنافق المتناقض مع الدين طلعتو لينا فراسنا بهاد الافكار كاتقدسو الرجل وتبررو ليه.... بببببززززاااااف.
●شي رجال ملي كايكون شي فيديو فيه توعية ليهم سواء من طرف الرجل او من المراة كايجيو للتعاليق كاتلقى الرجال مايبقاو يسبو ويعايرو غاتضسرهم علينا ... علما انه متقال حتى شي حاجة لي هي عيب او حرام تقالت الحقيقة و داكشي لي خاص اكون ولكن لا مكاتعجبهمش. كايعجبهم غير فيديوات ديال المراة ملي كاتنصح الزوجة تتهلى فزوجها او الرجل ملي كاينصح وكايوعي الزوجة تتهلى فراجلها كاتلقاه فالتعاليق بارك عليها بارك الله فيك نتا ولد الناس نتي بنت الناس الله يكثر من مثالك.... طلع ليا هاد المجتمع فراسي فين كايبغيو غير النفاق والكدوب والغذر والخيانة العزلة والوحدة طلعتو لينا فراسنا بهاد التناقض مع الدين كاتقولو مسلمين مشفناش شي اسلام لا فهضرتكم ولا فأفعالكم ولا فتصروفاتكم ولا فأفكاركم كايجي شي واحد اهضر فالحق كاتهجمو عليه كايجي شي واحد اقول كلام وصى عليه الله ورسوله كاتوسوسو خاصة بالنسبة للمراة كاتقرصو وكاتمرضو و واجب الرجل مكاتبغيوش لي يهضر عليه قاليك الرجل ادور حتى يعيا و يرجع لمراتو الخيانة حللوها للرجل بقات حرام غير على المراة قاليك البنت ملي كاتبيع راسها شكون السبب منطقيا هو الرجل لي كايشريها بزبالة دالفلوس وكيكري ليها السكن او البرتوش فين غاتتم العملية بنجاح وكايخلص ليها الكراء ويجيب الغذاء و العشاء... يعني هو لي حل ليها هاد المجال ولكن حسب قولهم المراة هي لي خايبة الرجل صالح هي لي فسدات ليه اخلاقو المحتوى التافه لي فيه البنات كايشطحو شكون مطلع ليهم الكونط الرجال حيث هما اكثرية لي كايتفرجو فهادشي ولكن لا هما معليهم والو نتي لي فسدتي واخا هما لي خلاو هاد الطريق فيها الفلوش وميسرة... بتقبلهم ليه وكايصرفو عليهم دم جوفهم... ولكن لا راه هو صالح هو غير نزوة ربي راه غايقوليه انا قاليا المجتمع نتا رجل خليني ندخل للجنة انا معليا والو هي لي فسداتني نتا رجل صالح البنت ملي كاتولي شيخة شكون السبب منطقيا هو الرجل حيث هو لي كايجيبها للحفلة والعرس وهو لي كايخصر وكايسمع وكايستمتع ويخلصها بزبالة دالفلوس... فاش كاتسالي الحفلة و العرس يخرج يسب فدوك البنات او فدوك الشيخات علاش البنات وليتو هكا علاش وليتو شيخات هو مفسدش هو مزناش هو معليهش غض البصر وماتمشيش لماكن فيهم الشيخات والرخيصات هو غايمشي ويخسر فلوس ولادو وعائلتو تما ويبرعهم حتى يولي هاد الطريق ساهل تدير فيه الفلوس وتاجهو ليه كاع لبنات حيث هو لي واكل ومن بعد يجي بوراس اقوليك فين بنات الناس نتا بعدا ولد الناس؟ كايقولو للمراة الرجل فالدار ديالك فالزنقة ديال يعني غض البصر لي وصى به الدين حرام حرموه حذفوه الخيانة حلال حللوها وماتقلبيش ليه التيليفون حيث غاتلقاي شي حاجة مغاتعجبكش بعدا كايعتارفو بلي ماشي مخلصين و وافيين بلي فاسدين وخائنين وبلي ايليفوناتهم فيه شي حاجة حرام وحلال تكون فيه حيث هو كايبقى رجل يدير لي يدير عادي الدين فهادشي ماشي مهم شنو تقال فيه المهيم هو شنو قال المجتمع وعجب الرجل كايقولو ليها ماديري حتى ردة فعل تقبليها يعني الخيانة حلال بالعلالي
اجيو نطبقو هادشي على المراة نطبقو تفس الحاجة على المراة ولا نطبقو كاع الخرافات ديالكم عليها اي حاجة حللها ليكم المجتمع نحللوها لراسنا ولا غاتجهلو غاتمرضو حيث هي مسلمة بغيت نفهم نتوما شنو؟ نتوما شكون؟ حللتو لراسكم داكشي لي بغيتو وبغيتونا نخليو راسنا تابعين للدين لي نتوما كاتحللو فيه مابغيتو وتحرمو فيه مابغيتو كاتقولو علينا ناقصات دين وعقل اوا راه حتى نتوما غادين فهاد الطريق العقل مكاملش عندكم تابعين لي كاتقولو علينا ناقصة عقل وملهوفين عليها وغض البصر مكاديروهش يالمنافقين وكاتشيرو فيها اذن هي الا معندهاش العقل مرفوع عليها القلم عادي هادشي كامل حتى حنا نقولو حتا غير وليات وناقصات عقل حنا معدورات اذن نتوما اصحاب العقول فين مشا عقلكم لي كاتغناو بيه ومفرحكم اصحاب كمال الدين علاش كاتزنيو مع ناقصة عقل ودين؟ علاش كاتشريوها؟ يلاه فهموني يالعقلاء المسلمين
نتوما براسكم خاصكم تهزو هادي 🏳️ الرابة البيضاء وتبقاو تقولو واك واك اعباد الله شنو نديرو واش نتبعو هاد الافكار المجتمعية لي حرام وكاتضر المجتمع ولا نتبعو الدين لي قال قال حرام وتحبسو علينا هادشي ديرو لحظة ادراك وفكرو فهادشي ديالكم فين غادي وديرو ردة فعل
مزال حنا راه محرم علينا المجتمع هادشي لي حلل ليكم واش دابا حنا لي مسلمين ونتوما لي كفار خرجتو دين جديد فيه عاجبك حللتيه ولي عاجبكم حللتوه ولي معجبكمش حرمتوه.

ماذا تفعل عندما تحتاج إلى دفعة بسيطة من الثقة بالنفس؟

اسعد الله صباحكم بالخير والسرور 💌😍💦