الفنون والحرف اليدوية والإبداعية
119,168 من الأعضاء
🌈 نداء إلى جميع عشاق الفن والحرفيين والمبدعين! 🌟 سواء كنت فناناً متمرساً أو بدأت للتو في رحلتك الإبداعية، فهذا هو المكان المناسب لك. انضم إلى مجتمعنا النابض بالحياة للتواصل والإلهام ومشاركة شغفك بالفنون.
@safe3r
Bismillah
@Brahim88858982
سلام
@Brahim88858982
السلام
@safe3r
Bismillah
@noend
كلمه طيبة كشجره طيبة 🌱
عندما يتييح لك الفرصه ان تزرع شجرة 🌳
أفعل ذلك فوراً ⏰
ساتستظل🌴بظلهاا يوم ماا. 🕠
@Noran179143
بورتريه ألوان خشب
@192001
هل التخاطر حقيقي؟ شرح مفصّل لعلاقة العقل، لغة الجسد، والطاقة بالحقيقة
في الفترة الأخيرة بقى في كلام كتير عن (التخاطر) وإن في ناس تقدر توصل أفكارها لغيرها من غير كلام الفكرة جذابة جدًا، وبتخلي اللي يسمعها يحس إن في حاجة خارقة بتحصل ، لكن لما نبص للموضوع بعين العلم والفهم الحقيقي للعقل البشري ، هنلاقي إن الصورة مختلفة تمامًا ، خلّينا نفهم الموضوع خطوة خطوة.
أولاً: (العقل اللاواعى)
التخاطر بمعناه المنتشر هو إن شخص يقدر ينقل أفكاره أو مشاعره لشخص تاني من غير أي وسيلة تواصل ..
الحقيقة إن مفيش دليل علمي موثوق يثبت إن ده بيحصل.
لكن ده مش معناه إن إحساسك لما تفكر في حد ويكلمك أو تحس بحد من غير ما يتكلم إحساس وهمي بالكامل.
اللي بيحصل ليه تفسير منطقي جدًا، وهو إن فيه ناس عقلها بيشتغل بطريقة أذكى بكتير مما إحنا متخيلين عن طريق العقل اللاواعى
العقل اللاواعي عندهم بيلاحظ حاجات إحنا مش مركزين فيها زي:
تغيير بسيط في نبرة الصوت ، نظرة عين سريعة ، حركة إيد خفيفة ، طريقة تنفس مختلفة ، كل الإشارات دي بتتجمع في لحظة ، والعقل اللاواعي يطلعلك إحساس جاهز بتحسه تجاه الشخص اللى قدامك فجأة من غير ما تعرف سببه فبتفتكر إن ده تخاطر ، لكنه في الحقيقة ده تحليل سريع جدًا لمجموعة إشارات.
ثانيًا: (لغة الجسد)
الإنسان بيتكلم بجسمه طول الوقت ، حتى لو ساكت
وده اللي بنسميه (لغة الجسد).
أمثلة بسيطة:
الشخص اللي عينيه بتتهرب :- غالبًا مش مرتاح أو مخبي حاجة
اللي صوته بيهتز :- ممكن يكون قلقان
اللي واقف وجسمه مشدود :- متوتر
اللي حركاته هادية وطبيعية :- مرتاح
المهم هنا إنك مش بتقعد تحلل كل حركة ، لكن مخك بيعمل ده لوحده.
وده بيخليك توصل لإحساس قوي وسريع يخليك تقول:
(انت مالك فيك كذا )
ثالثًا: (الطاقة)
المعنى الحقيقي بعيد عن الخرافة
كلمة (طاقة) بتتقال كتير، وناس بتفهمها بشكل غامض
لكن في الحقيقة، المقصود بيها هو:
الحالة النفسية والسلوكية اللي الشخص بينقلها للي حواليه
يعني:
شخص متوتر .. حركاته سريعة .. صوته عالي .. يخلي اللي حواليه يتوتروا
شخص هادي .. كلامه متزن حركاته بسيطة .. ينقل هدوء
ده بيحصل لأن الإنسان عنده قدرة اسمها:
(العدوى العاطفية)
يعني المشاعر بتتنقل بين الناس من غير كلام
رابعًا : التقليد اللا إرادي (خلايا المرآة)
في المخ حاجة اسمها (خلايا المرآة) ودي بتخليك تقلد اللي قدامك من غير ما تحس.
مثلاً:
حد يعلي صوته صوتك يعلى .. حد يضحك تلاقي نفسك بتبتسم .. حد هادي تهدي معاه
التقليد ده بيخليك تحسي بنفس إحساسه ، وده يقوّي الشعور إنك (فاهم اللي جوه الشخص اللى قدامك )
ليه الإحساس ده بيبقى أقوى مع شخص معين؟
فيه أسباب بتخلي الإحساس ده يزيد:
وجود مشاعر (حب، اهتمام)تركيزك عليه بشكل أكبر و تعاملكم المستمر ، كل ده بيخلي مخك (مضبوط) عليه زي رادار مركز على شخص واحد ، فتفهميه أسرع وتحسي بيه أكتر.
طيب لو الشخص مش قدامك… إيه تفسير (الصدف) دي؟
هنا بقى السؤال اللي بيحيّر ناس كتير ..إزاي تفكر في حد وهو يكلمك .. أو تكلميه يقولك (كنتي في بالي)..أو تجيب سيرته فجأة ويظهر؟
المواقف دي بتخلي الموضوع يبان كأنه (تخاطر حقيقي) ، لكن لما نفهم طريقة شغل العقل، هنلاقي إن ليها تفسير منطقي جدًا.
- العقل بيربط الأحداث وبيختار اللي يعجبه
مخ الإنسان بطبيعته بيحب يلاقي معنى لأي حاجة بتحصل.
فلما تفكر في حد ويكلمك، مخك فورًا يربط الحدثين ببعض ويقول أكيد في حاجه مشتركه بينهم
لكن الحقيقة إنك:
فكرت فيه مرات كتير قبل كده ومكلمكش .. والمواقف دي مخك تجاهلها خالص .. وتمسّك بس بالموقف اللي (ظبط)
وده اسمه: (الانحياز للتأكيد)
يعني العقل بيلاحظ الحاجات اللي تؤكد إحساسه، ويتجاهل الباقي.
- التوقيت المتشابه
في أوقات معينة الناس بطبيعتها بتفكر فيها في بعض فى نفس الوقت زي:
قبل النوم .. بعد مواقف عاطفية
فإنت ممكن تفكر في الشخص فى نفس الوقت اللي هو بيفكر فيك فيه .. مش لأن في إشارات اتبعتت .. لكن لأن الظروف واحدة.
- المشاعر بتخلي الشخص حاضر دايمًا
لو بينك وبين الشخص ده:
إعجاب ، اهتمام ، فهو بيبقى حاضر في بالك كتير ،
وغالبًا إنت كمان حاضر في باله.
فلما يقول: (كنت في بالي) ده ممكن يكون صادق فعلًا،
لكن مش تخاطر… ده لأنك ببساطة شخص مهم في تفكيره.
- انك تجيب سيرة شخص ويحضر فجأه تلاقيه قدامك
دي من أكتر الحاجات اللي بتخلي الناس تصدق فكرة التخاطر .. لكن تفسيرها بسيط:
الشخص ده موجود في دايرتك .. بتشوفيه أو بتتعاملوا بشكل مباشر او غير مباشر .. فلما تجيب سيرته ويظهر
بتحس إن في علاقة بين الحدثين.
لكن لو فكرتي في حد بعيد عن حياتك تمامًا، مش هيظهر فجأة لمجرد إنك جبتي سيرته.
وكل ما المواقف دى تتكرر عقلك بيبدأ يربطها ببعض
إحساسك يقوى تبدأ تلاحظها أكتر
فتدخل في دائرة: ملاحظة ، تصديق ، ملاحظة أكتر
لحد ما تحس إن الموضوع (أكيد حقيقي) وهو في الأساس مجرد تفسير عقلي متكرر.
#البشكاتبه📚🖋