المسلمون في البوسنة

Aslamu alaykum

Aslamu alaykum

مسيرك في يوم من الأيام، بطريقة أو بأخرى، هتفهم وتتأكد إن السكة اللِّي ربنا عملهاك ومشاك فيها كانت أحسن وأجمل مليون مرة من الطريق اللِّي كان نفسك تمشي فيه وراسمه لنفسك

وقتها بس هتعرف إن الباب اللِّي اتقفل في وشك مية مرة ومكانش راضي يتفتح، كان وراه شر ووجع قلب كبير ربنا نجاك منه، وإن الإيد اللِّي سابتك في نص الطريق، مكانتش شبهك ولا كانت تليق بيك من الأول خالص

وهتدرك إن الابتلاء التقيل اللِّي هد حيلك وتعبك مكانش عقاب، ده كان رحمة من ربنا مبعوتالك في صورة درس علشان يفوقك

وإن الظروف لمّا باظت والسُبل كلها اتقفلت حواليك مكانتش قسوة زي ما تخيلت، دي كانت حكمة وترتيب إلهي علشان يوجهك للصح

والموضوع اللِّي طيّر النوم من عينيك وخلاك تلف حوالين نفسك من القلق، مكانش يستاهل كل الهري ده، وتأكد إنك شلت الهّم بزيادة أوي عن اللّزوم

هتوصل ليقين تام إنك مش مالك أمرك ولا في إيدك حاجة، وإن دنيتك لمّا بتضيق وتقفل خالص، بيبقي ليها رب كريم ورحيم هو أولى بيك وبأمرك من نفسك

ربنا رحيم بينا لدرجة فوق الوصف، بيحمينها وينجينا من شرور الناس وأذاهم، وحتى من نفسنا لمّا بنضعف ومبنقدرش عليها.

Alhamdulillah 🇧🇦

السلام عليكم