Muzz Beta Users

بعد اذنكوا حابة بس اقول حاجة في واحد بعتلي والمفروض أن انا برد عادي خالص بكل احترام ف قالي عايز اسمع صوتك قولتله باذن الله قالي لا دلوقتي ومتتبارديش قولتله ايه متتبارديش دي متتكلم باحترام وتحترم نفسك راح قالي قربي مردتش عليه قالي هتقربي ولا لا وهتتباردي قولتله غور في داهية وعملت إلغاء مطابقة راح بعتلي طلب الغاء مطابقة شتمني بألفاظ غير محترمة وقالي انا خدت صورتك والله لوريكي هعمل فيها ايه
ايه كمية القرف والمرض والدماغ التعبانة بتاعة البني ادمين دي بجد حقيقي في ناس متربتش بربع جنيه الواحد بيقابلهم هنا الا من رحم ربي بجد ربنا يرحمنا والله

اللهم صلي وسلم على نبينا محمد وعلى آله وأصحابه أجمعين 🤍🕌
#jummaa_mubaraka #جمعة_مباركة

"أحيانًا يكون أجمل ما تفعله في حق الناس أن تتغافل، لا لأنك لا ترى عيوبهم، بل لأنك تعرف أن لكل إنسانٍ معركةً لا يعلم بها أحد، ووجعًا لا يحب أن يراه الآخرون.
لا تُحرج من أخطأ، ولا تفضح من ائتمنك على سره، ولا تجعل زلّة إنسانٍ سببًا في سقوطه أمام الناس؛ فليس كل ما تعرفه يُقال، وليس كل ما تراه يستحق أن يُروى.
تذكّر دائمًا أنك قد تكون في يومٍ من الأيام صاحب العثرة التي تتمنى لو تغافل عنها الجميع.
فازرع الستر تجد الستر، وازرع الرحمة تجد من يرحم ضعفك، ولا تتباهَ بمعرفة أسرار الناس، فالنُّبل الحقيقي أن تعرف ما يؤذيهم ثم تختار ألّا تؤذيهم به.
فما أجمل أن تكون الشخص الذي يأمن الناس جانبه، لا الشخص الذي يخافون أن يقعوا أمامه في خطأ!
فالقلوب لا تنسى من سترها حين كان الفضح سهلًا، ولا تنسى من حفظ كرامتها حين كان التجريح ممكنًا.

"مش كل ضحكة معناها إننا مبسوطين.. ساعات بنخبّي وراها وجع محدش شايفه، غيرنا إحنا. 🖤💔"

بعض الحقوق لا تضيع عند الله، وإن طال الطريق، فليس كل تأخيرٍ حرمانًا، ولا كل صمتٍ نسيانًا.

السلام عليكم
٤٨
القاهره
مطلق
بشتغل محاسب في وزاره الماليه المصريه
عايش لوحدي في شقتي. مفروشه
يومي عباره عن شغلي، والمطبخ ، والفرض ، ثم النوم وبزعل لما ايام اجازتي جمعه وسبت مخرجش فيهم ، غاوي جدااا اروح مول سيتي سنتر الماظه اشرب فنجان قهوه مع اصحابي . ولو محدش فاضيلي بحكم انهم متزوجين وظروفهم ووقتهم غير ظروفي طبعا ، بروح لوحدي افضي دماغي وارجع . ولو الظروف الماديه في العالي💸 يبقي اساسي اجازتي بتبقي سفر ،،اما لو العكس بترزع في البيت 🤕

مهتم بمظهري ، احب الرياضه والجري والمشي تقريبا يوميا، باخد بالي من وزني جدا مع اني مش تخين.
الطول ١٨٣ الوزن ٩١
احب السفر جدااا بعربيتي او القطار ، والقطار عندي
مزاج خاص ،
رومانسي ، جاد وبرضو مرح جدا ، خدوم ، احب جدا اعمل مواقف فيها مرؤه ولا ازكي نفسي علي الله ، بحب انصح جدا حتي لو اللي هنصحه حد معرفوش،
احب العطور ، والهدوء وبحب الخروج جدا
لا ادخن ولا اجالس مدخنين الحمد لله
للاسف بسمع اغاني ومقر بالذنب ولا اكابر لعل الله يهديني ،

ابحث عن زوجه يفضل (منتقبه )ولا مانع من (محجبه )وتكون سلفيه المنهج سواء منتقبه او محجبه...

نحيفه , ملابسها فضفاضه ولا تلبس بناطيل , علي قدر معقول من الجمال ، العمل مرفوض فهذه مهمتي انا وليست هي

بدون اولاد, تكون هادئه نوعا ما ،،كل لما تبقي طيبه هتلاقيني انا اللي مطيع ليها،،
اللي انا متأكدت منه انا وزوجتي المستقبليه بعد ما تخطينا سن الاربعين اننا مش حمل وجع دماغ )🌷
( داعمه للمقاطعه )
ميول خاصه ،
بستغرب جدااا لما الاقي سيدات علي الابلكيشن عمرها عدي الاربعين واتجوزت وخلفت واتطلقت ومع ذلك زيرو خبره في مفهوم الزوجه .الاقيها كاتبه في البايو بتعها انها بتحب السفر والفسح والبحر فقط دا كل مفهومها عن الزوجه والزواج.. وقتها بعرف دي ليه اتطلقت . ا وان عقلها في الطراوه. دا علي اساس الراجل مننا داخل الجروب يدور علي واحده يتفسح معاها ومش لاقي بره الابلكيشن. مش داخل يتجوز ،، او هي كده تبقي زوجه لقطه مثلا ومفيش منها .
وفي نفس الوقت الاقي انسه عشرينات وملهاش تجارب وكاتبه بايو الله اكبر عليها وعلي عقلها 🌹

لا احب الاڥوره في الميكب, بالكتير كريم ترطيب بدون الوان ويفضل عدمه من الاساس . يعني تغسل وشها وتنزل 🤫

لا احب اللي تلبس لبس محزق وباين تفاصيل جسمها
وبستغرب جداااا لما الاقي بنت او ست منزله صورتها علي الابلكيشن للدنيا كلها تشوفها وهي لبسه فستان سواريه محزق جدااا او بنطلون محزق وبلوزه علي كمر البنطلون والمصيبه مش مثلا صغيره وفرحانه بنفسها وطايشه . دي بتبقي فوق الاربعين واوقات تبقي ام وعندها اولاد كمان .طب هو مفيش اي (نطع) في العيله يقولها ايه اللبس اللي انتي مش لابساه ده ونازله بيه الشارع او رايحه بيه شغلك ؟!
ياستي دا برنامج للزواج مش مسابقه رقص او موقع شقط والله .

الراجل مننا داخل يدور علي زوجه تحمل اسمه وتصون عرضه واحده تبقي ونيس له ولها . اللي مناسب ليكي راجل من بعد الاربعين ياحلوه ،يعني تفكيره في الفخاد والمؤخره معدش اولوياته زي زمان . دا راجل صاحب عقل اولا ثم جنس بعد كده ،، يعني شهوته بقت في عقله واتعلم ازاي يختار زوجه .وعرف ان الجنس والجسم مش نمره واحد . انما نمره واحد العشره والتفاهم والهدوء النفسي مع الشخص او الانسانه اللي هتعيش معاه ❤️
ياستي طب اتجوزك ليه بقي ما خلاص انا والشعب شفنا كل حاجه خلاص 👀
والله العظيم انتو فاهمين الشياكه غلط خالص .
لان عمر العري والتبرج ما كان شياكه او حتي روشنه .. المفروض اغلي حاجه في الدنيا كلها عند الست هو جسمها . اغلي من ابوها وامها واولادها كمان .
. انما للاسف بتبقي الواحده لبسه لبس محزق وادق جوارحها واضحه تحت اللبس المحزق
. هي الستات دي للدرجادي منزوعه الحياء والدم والدين . لاء والموضه دلوقتي تلاقيها ماشيه مالط وحاطه المسبحه الالكترونيه في صباعها بتسبح 🤣جتكم القرف جاهلين دنيا ودين

احنا وصلنا لانحدار اخلاقي وديني رهيب جدااا للاسف تحت شعار ان دي شياكه وحريه شخصيه ،
__________/
كان الراجل مننا الاول يدعي ربنا يرزقه بزوجه صالحه
دلوقتي بقينا ندعي ربنا يرزقنا بزوجه مسلمه من كتر ما اللي بنشوفهم في الشارع مفيش اي مظهر ليهم يدل علي انها مسلمه غير حتة قماشه حطاها علي شعرها اللي نصه باين اصلا

ياريت الستات او البنات اللي بتشرب سجائر او بتلبس لبس محذق _ او بترسم حواجبها زي العفاريت _ او بتحدد شفايفه وتغلظهاا - متبعتش اعجاب - ولو انا بعتلها اعجاب بالخطاء لا تقبله، لان والله العظيم انا بشوفها عفريته ولا بحس فيها بأي جمال بل بشوفها بلياتشو،
انا بدور علي واحده عارفه قيمه نفسها بدون اي تجميل

علي فكره انا للاسف مش ملتزم دينيا بالقدر الكافي ولكن دا ميمنعش اني اغير واخاف علي اهل بيتي واغير علي ديني،، وربنا يهديني ويهدي الجميع.

بحترم جدااا ضعف المراه حتي لو كنت انا علي حق وبعتير ضعفها اعتذار وبتنازل عن حقي تقديرا لضعفها كأنثي ،
اما المرأه العصبيه والعنيده لا وجود لها في حياتي اطلاقا ،، فأنا ابحث عن ونيس اعيش انا وهي بهدوء وبساطه وسعاده ولا اريد اي ازعاج في حياتي ، كفايه اللي فات من عمري،
فالمرأه العنيده لا تسعد زوجا ، ولا تربي ولدا ، ولا تبني بيتا ،
معدش فينا حيل للمناهده ياعم الحج الله يسهلها 🤕(
( اللي مطلقه خلع تمتنع تمامااا )

ان شاءالله جاهز للزواج في خلال شهر لان شقتي مفروشه بالكامل عفش ملكي انا الشخصي

سؤل رسول الله صل الله عليه وسلم
اي النساء خيرا ؟
قال ،، التي تسره أذا نظر . وتطيعه اذا امر .ولا تخالفه في نفسها ولا في ماله بما يكره
وايضا قال صل الله علي وسلم في حقوق الزوجه علي الرجل،
كان النبي صل الله عليه وسلم يقدم كوب الماء لزوجته عائشه لتشرب ، ثم يشرب النبي بعدها ويبحث عن المكان الذي شربت منه عائشه ، فيضع النبي فمه علي موضع فمها ليدخل السرور عليها
ويقول الحمد لله الذي رزقني حب عائشه
اعتذر عن الاطاله والسلام عليكم لمن قرأ سيرتي

اللهم زوجه صالحه

36 سنة، مقيم في إسبانيا ، مطلق اعمل طبيب. طولي185، وأبحث عن امرأة جادة، محترمة وذات نية صادقة، وأفضّل أن تكون طويله و ممتلئة من رأت في نفسها مهتمه تبعتلي

جديد هنا وعلي الله ما شاء الله 😂😂😂

بصو بقي!!
للناس الي بتقول "بحبك" م بعد يومين تعارف دي!
للامانة يعني.. الانسان ما ينفعش يحب في اسبوع ولا شهر ولا حتي في سنة..
الحب عاوز مشاكل ، عاوز ازمات ، عاوز تعب ، عاوز فترات سيئه ومواقف صعبه ، عاوز عشرة طويلة عشان يبقي حب..

يعني باختصار الحب يبدا عندما ينتهي الحماس.
ماينفعش تقول انك بتحب البحر وانت واقف ع الشط..

لازم تنزل البحر ، تعوم فيه ، تضربك الموجات ، تشرب ميه مالحه ، تجرح رجلك بالصخر ، تشوف العتمة اللي بالقاع. لما ترجع على الشط هتشوف البحر بشكل مختلف. مش هتشوفه مثالي..

انت شوفت عيوبه وظلامه وغضبوا ، يا اما هتكره البحر ، يا اما هتفضل تحبه بكل حاجه فيه.
لهفه البدايات مش حب واللي ماغصوش في البحر ..محبوش
واتمني نستوعب الكلام د عشان مبثقش ابدا ف اي حد بقول الجمله دي سهل كدا